23/10/2020 ஜூம்ஆ பயான் குறிப்புகள்:- நபியவர்கள் மீது சலவாத் சொல்வோம்

السلام عليكم ورحمه الله وبركاته

الحمد لله رب العالمين الصلاه والسلام على رسول الله المرسلين اما بعد

فقال الله تعالى في القران العظيم والقران المجيد

اعوذ بالله من الشيطان الرجيم بسم الله الرحمن الرحيم

ان الله وملائكته يصلون على النبي يا ايها الذين امنوا صلوا عليه وسلموا تسليما (الاحزاب-56

)

நிச்சயமாக அல்லாஹ்வும், அவனுடைய மலக்குகளும் நபியின் மீது ஸலவாத்துச் சொல்கின்றார்கள். ஆகவே, நம்பிக்கையாளர்களே! நீங்களும் அவர்கள் மீது ஸலவாத்து சொல்லி ஸலாமும் கூறிக் கொண்டு கொண்டிருங்கள்.

அல் குர்ஆன் : (அல் அஹ்சாப் - 56)

நானிலம் சிறக்க வந்த மனிதருள

மாணிக்கம் முஹம்மதுர் ரசூலுல்லாஹி ஸல்லல்லாஹூ அலைஹி வஸல்லம் அவர்கள் இப்பூவுலகில் அவதரித்த வசந்த காலத்தின் முதல் ஜும்ஆவில் வீற்றிருக்கும் நாம். யா உம்மதீ யா உம்மதீ என்று எந்நாளும் உருகி தன்னையே உம்மத்திறக்கு அற்பணித்த நம் நாயகத்திற்கு நாம் செய்யவேண்டிய கடமைகள் உள்ளதால் நாயகத்தை பின்பற்ற தகுந்த அழகிய முன்மாதிரி என்று உறுதிகொண்டு அதை உறுப்புகளால் உச்சி முதல் உள்ளங்கால் வரை வாழ்வின் அனைத்து நிலைகளையும் பின்பற்றி நாவால் எந்நேரமும் உயர்ந்த சலவாத் உறைத்து சலவாத்தின் மகிமைகளையும், உயர்வுகளையும் தெரிந்துகொள்ள கடமைப்பட்டிருக்கிறோம்.

ஒருமுறையாவது சலவாத் சொல்வது கடமை:-

இந்த சிறு வசனத்தின் கட்டளையின்படி

நம்பிக்கையாளர்கள் தம்முடைய வாழ்வில் ஒரு முறையாவது அண்ணல் பெருமானார் ஸல்லல்லாஹு அலைஹிவஸல்லம் அவர்கள் மீது ச ஸலவாத் ஓதுவது ஃபர்ளு - கட்டாயம் என அறிஞர்கள் கூறுகின்றனர்.

ஒரு கூட்டத்தில் அண்ணனல் பெருமானார் ஸல்லல்லாஹு அலைஹிவஸல்லம் அவர்களின் பெயர் கூறப்படும்போதெல்லாம் ஸலவாத் ஓதுவது அவசியம் என இமாம் தஹாவி ரஹ்மத்துல்லாஹி அலைஹி அவர்கள் கூறியுள்ளார்கள்.

இது மிக்க மேலான முறையாக இருப்பினும்,

ஒரு கூட்டத்தில் இருக்கும்போது ஒருமுறையேனும் அண்ணல் பெருமானார் ஸல்லல்லாஹு அலைஹி வஸல்லம் அவர்களின் பெயரை கூறுபவரும் அதை கேட்பவரும் ஸலவாத் கூறவேண்டும் என்பது இமாம்களின் யோகாபித்த முடிவாகும்.

ஸலவாத் சொல்வதின் சிறப்புகள்:-

قال أبو سليمان الداراني ـ رحمه الله ـ: من أراد أن يسأل الله حاجة, فليبدأ بالصلاة على النبي صلى الله عليه وسلم ثم يسأل حاجته ثم يختم بالصلاة على النبي صلى الله عليه وسلم فإن الله عز وجل يقبل الصلاتين وهو أكرم من أن يدع ما بينهما.

சுலைமானுத் தாரானி ரஹ்மத்துல்லாஹி அலைஹி அவர்கள் அறிவிக்கிறார்கள்.

யார் தன்னுடைய தேவையை அல்லாஹ்விடம் கேட்கவேண்டுமென நாடுகிறார்களோ, அவர்கள் நபியின் மீது ஸலவாத்து ஓதுவதைக் கொண்டு ஆரம்பிக்கட்டும். பிறகு தன்னுடைய தேவையை அல்லாஹ்விடத்திலே கேட்கட்டும்.

பிறகு நபியின் மீது ஸலவாத் ஓதிய நிலையில் தன்னுடைய துஆவை முடித்துக்கொள்ளட்டும். நிச்சயமாக அல்லாஹ்வாகிறவன் இரண்டு ஸலவாத்திற்கு மத்தியில் எதை கேட்டாரோ அதை அல்லாஹ் ஏற்றுக்கொள்வான்.

ورَوى سعيد بن المسيب عن عمر بن الخطاب رضي الله عنه أنه قال : الدعاء يحجب دون السماء حتى يصلي على النبي صلى الله عليه وسلم ، فإذا جاءت الصلاة على النبي صلى الله عليه وسلم رُفع الدعاء .

சயீத் இப்னு முஸைப் அவர்கள் உமர் இப்னு கத்தாப் (ரழி) அவர்களிடமிருந்துது அறிவிப்பதாக சொல்கிறார்கள்.

அல்லாஹ்விடம கேட்கப்படக்கூடிய துஆவாகிறது எந்த துஆவில் நபியவர்களின் மீது ஸலவாத் ஓதப்படுமோ அந்த துஆ விற்க்கும் வானத்திற்கும் இடையே எந்த விதமான திறையும் இருக்காது என்பதாக சொன்னார்கள்.

عن أبي هريرة قال: " قال رسول الله (صلى الله عليه وسلم): من صلى علي في كتاب لم تزل الملائكة تستغفر له ما دام اسمي في ذلك الكتاب

معجم الأوسط للطبراني - رقم الحديث : 1873

அபூ ஹுரைரா (ரழி) அவர்கள் அறிவிக்கிறார்கள்.

யார் ஒருவர் என் பெயரை ஒரு பேப்பரில் எழுதுகிறாரோ, ஓதுகிறாரோ அந்த பேப்பரில் என்னுடைய பெயர் இருக்கும் காலமெல்லாம் மலக்குமார்கள் அந்த நபருக்காக பாவ மன்னிப்பு தேடுகிறார்கள்.

(நூல் : தப்ரானி : 1873)

عَنْ عَبْدِ اللَّهِ بْنِ أَبِي طَلْحَةَ عَنْ أَبِيهِ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ جَاءَ ذَاتَ يَوْمٍ وَالْبُشْرَى فِي وَجْهِهِ فَقُلْنَا: إِنَّا لَنَرَى الْبُشْرَى فِي وَجْهِكَ؟ فَقَالَ: إِنَّهُ أَتَانِي الْمَلَكُ فَقَالَ يَا مُحَمَّدُ إِنَّ رَبَّكَ يَقُولُ أَمَا يُرْضِيكَ أَنَّهُ لا يُصَلِّي عَلَيْكَ أَحَدٌ إِلا صَلَّيْتُ عَلَيْهِ عَشْرًا ولا يُسَلِّمُ عَلَيْكَ أَحَدٌ إِلا سَلَّمْتُ عَلَيْهِ عَشْرًا

[النسائي عن عبد الله بن أبي طلحة عن أبيه]

அப்துல்லாஹ் இப்னு அபீ தல்ஹா அவர்கள் தன்னுடைய தந்தையின் வாயிலாக அறிவிக்கிறார்கள்.

ஒரு நாள் நபி ஸல்லல்லாஹு அலைஹி வஸல்லம் அவர்கள் தன்னுடைய முகத்தில் சந்தோஷம் தெரியும் அளவிற்கு வந்தார்கள். நாங்கள் எல்லாம் சந்தோசத்திற்கு காரணம் என்னவென்று கேட்டோம். நபி ஸல்ல்லாஹு அலைஹிஸ்ஸலம் அவர்கள் சொன்னார்கள், என்னிடத்தில் வரக்கூடிய மலைக்கு வந்தார். வந்து சொன்னார் யா முஹம்மத்! யார் உங்கள் மீது ஒரு முறை ஸலவாத் சொல்லுவார்களோ அவர்கள் மீது 10 தடவை ஸலவாத் சொல்லப்பட்டே தவிர இல்லை. அதேபோன்று யார் உங்கள் மீது ஒரு முறை ஸலாம் சொல்லுவார்களோ அவர்கள் மீது 10 தடவை ஸலாம் சொல்லப்பட்டே தவிர இல்லை என்ற ஒரு செய்தியை சொன்னார்கள் அது தான் எண்ணுடை சந்தோஷத்திற்கு காரணம் என்று பதிலளித்தார்கள்.

وعن محمد بن عبد الرحمن أن رسول الله صلى الله عليه وسلم قال : ما منكم من أحد يسلم علي إذا مت إلا جاءني سلامه مع جبريل يقول يا محمد هذا فلان بن فلان يقرأ عليك السلام فأقول وعليه السلام ورحمةالله وبركاته، وروي النساءي

முஹம்மத் இப்னு அப்துர்ரஹ்மான் அவர்கள் அறிவிக்கிறார்கள்.

நபி ஸல்லலாஹு அலைஹி வஸ்ஸலாம் அவர்கள் சொன்னார்கள்.

நான் மரணித்த பிறகும் என் மீது யாராவது சலாம் சொன்னால், அந்த சலாமை ஜிப்ரீல் அலைஹிஸ்ஸலாம் அவர்கள் என்னிடத்தில் வந்து, யா முஹம்மத் இன்னாருடைய மகன் இன்னார் தங்கள் மீது சலாம் சொல்லியிருக்கின்றார் என்று சொல்வார்கள்.

فاقول عليه السلام ورحمه الله وبركاته நானும் அவர்கள் மீது ஸலாம் சொல்கிறேன் என்ற செய்தியை அறிவிக்கிறார்கள்.

(நூல் : நஸஈ)

عبد الله قال : قال رسول الله صلى الله عليه وسلم : إن لله ملائكة سياحين في الأرض يبلغوني من أمتي السلام . قال القشيري والتسليم قولك : سلام عليك

அப்துல்லாஹ் அவர்கள் அறிவிக்கிறார்கள்.

நபி ஸல்லலாஹு அலைஹி வஸ்ஸலாம் அவர்கள் சொன்னார்கள். பூமியில் 

அல்லாஹ்விற்கு என்று சில மலக்குமார்கள் சுற்றிக்கொண்டு இருப்பார்கள், என்னுடைய உம்மத்தில் யாரெல்லாம் என் மீது ஸலாம் சொல்கிறார்களோ அதை என்னிடம் வந்து சேர்பார்கள் என்ற செய்தியை அறிவிக்கிறார்கள்.

ஹதீஸ் ஷரீபில் வருகிறது. நாவினால் ஒரு முறை ஸலவாத் கூறினால், அவரின் மீது பத்து ரஹ்மத்துகளை அல்லாஹ் பொழியச் செய்கிறான். பத்து நன்மைகள் அவரின் அமல்களின் பட்டோலைகளில் எழுதப்படுகிறது. பத்து பாவங்கள் மன்னிக்கப்படுகின்றன.

ஆனால் ஒரு மனிதன் "ஸல்லல்லாஹு அலைஹி வஸல்லம்" என்று எழுதினால், ஹதீஸில் வருகிறது அந்த எழுத்து அழியாமல் இருக்கும் வரை, அதன் மீது மலக்குகள் ஸலவாத்து சொல்லிக்கொண்டேயிருப்பார்கள்.

(معجم اوسط للطبراني)

இதன் காரணமாக "ஸல்லல்லாஹு அலைஹி வஸல்லம்" என்று எழுதினால் அதை படிப்பவருடைய நன்மையும் எழுதியவருக்கு கிடைக்கும்.

எனவே எழுதுபவர் வெறும் "ஸல்" என்று சுருக்கமாக எழுதுவது கஞ்சத்தனம் ஆகும். "ஸல்லல்லாஹு அலைஹி வஸல்லம்" என்று முழுமையாக எழுதி முழு நன்மையை அடைவோம்.

சலவாத் ஓதுவோம் நபியவர்களை தர்சிப்போம்:-

பெரியார்கள் ஸலவாத் ஓதுவதினால் உலகத்தில் கிடைக்கும் பிரயோஜனங்களில் ஒன்றாக சொல்கிறார்கள்,

"யார் ஒருவர் அதிகமாக ஸலவாத்து ஓதுவாரோ, அல்லாஹு தஆலா அவருக்கு நபி ஸல்லல்லாஹு அலைஹி வஸல்லம் அவர்களை தரிசிக்கக்கூடிய பாக்கியத்தை கொடுக்கிறான்.

அல்லாமா ஜலாலுத்தீன் சுயூத்தி (ரஹ்) மிகப்பெரும் அறிஞர்களில் ஒருவராக இருக்கிறார்.

அவர்கள் தீன் இன்னும் துன்யா சம்பந்தப்பட்ட எல்லா கலைகளிலும் கிதாப்கள் எழுதி இருக்கிறார்கள்.

தஃப்ஸீர், ஹதீஸ், ஃபிக்ஹ், இலக்கியம், இலக்கணம், கணக்கு போன்ற எல்லா கலைகளிலும் கிதாப்கள் எழுதி உள்ளார்கள்.

தஃப்ஸீர் உடைய கலையில் மட்டும் மூன்று கிதாப்களை எழுதி இருக்கிறார்கள். அவற்றில் (مجمع البحرين) மஜ்மவுல் பஹ்ரைன் என்ற தஃப்ஸீர் மட்டும் 80 பாகங்களை உள்ளடக்கியது.

இது மட்டுமல்லாமல் ( الدر المنثور) துர்ருல் மன்தூர், ( الجلالين) ஜலாலைன் போன்ற தஃப்ஸீர்களை எழுதியுள்ளார்கள்.

நாம் இமாம் எழுதிய அனைத்து கிதாப்களை படிக்கவேண்டும் என்றால் வாழ்நாள் போதுமா? என்று தெரியவில்லை. ஆனால் இமாமவர்கள் 40 வயதிற்குள் எழுதி முடித்து விட்டார்கள். பிறகு முழுமையாக இபாதத்திற்காக தன்னை ஈடுபடுத்திக் கொண்டார்கள்.

இமாமை பற்றி கிதாப்களில் எழுதி இருக்கிறார்கள், நபி ஸல்லல்லாஹு அலைஹி வஸல்லம் அவர்களை 35 முறை விழித்திருக்கும் நிலையில் தரிசித்தார்கள்.

ஒரு மனிதர் இதை பற்றி இமாம் அவர்களிடத்தில் கேட்டார், தங்களுக்கு விழிப்பு உடைய நிலையில் 35 முறை நபி ஸல்லல்லாஹு அலைஹி வஸல்லம் அவர்களை தரிசிக்கக்கூடிய பாக்கியத்தை எந்த அமலின் காரணமாக அல்லாஹ் கொடுத்தான்?. இமாம் அவர்கள் கூறினார்கள், நான் அதற்காக பிரத்யேகமாக எந்த அமலையும் செய்யவில்லை. எனினும் அல்லாஹ் என் மீது செய்த மாபெரும் கிருபை என் வாழ்நாள் முழுவதும் நடக்கும் பொழுதும், உட்காரும் பொழுதும், எழுந்திருக்கும் பொழுதும், தூங்கும் பொழுதும், விழித்திருக்கும் பொழுதும் அதிகமாக ஸலவாத்துகளை ஓதுவேன். இதன் காரணமாக கூட இருக்கலாம் அல்லாஹ் எனக்கு இந்த பாக்கியத்தை கொடுத்திருக்கலாம்.

சிறுமியின் சலாவாத்தும் அதனால் ஏற்ப்பட்ட காராமத்தும்:-

இஸ்லாமிய பெரியார்களில் ஒருவரான செய்யதுனா இமாம் சுலைமானுல் ஜசூலி (ரஹ்மதுல்லாஹி அலைஹி) (இவர்கள் அந்த காலத்தில் வாழ்ந்த குத்பு மற்றும் இவர்கள் ஷாசுலி தரிக்காவை சேர்ந்தவர்கள்)

அவர்கள் ஒரு இடத்துக்கு சென்று கொண்டு இருந்தார்கள். அப்பொழுது தொழுகையின் நேரம் வந்து விட்டது. அப்பொழுது அவர்கள் வுழு செய்ய தண்ணீர் எங்காவது கிடைக்குமா? என்று சுற்றும் முற்றும் தேடி பார்த்தார்கள். தூரத்தில் ஒரு கிணறு தென்பட்டது. உடனே அக்கிணற்றின் பக்கத்தில் சென்று பார்த்த போது கிணற்றில் இருந்து தண்ணீர் எடுக்க வாளியோ, கயிறோ அங்கு இருக்கவில்ல. என்ன செய்வது என்று தெரியாமல் அவர்கள் திகைத்து நின்றார்கள்.

அப்போது அந்த வழியாக வந்த ஒரு சிறுமி "பெரியாரே! தாங்கள் யார்?" என்று கேட்டாள். அதற்கு இவர்கள் தன பெயரை கூறி வந்த விபரத்தையும் கூறினார்கள். அதுகேட்ட அந்த சிறுமி "இவ்வளவு பெரிய மகானாக நீங்கள் இருந்தும் உங்களுக்கு கிணற்றில் இருந்து தண்ணீர் எடுக்க வழித் தெரியவில்லையா?" என்று கேட்டு அந்த சிறுமி கிணற்றுக்குள் தன் எச்சிலை துப்பினாள். அவ்வளவுதான் உடனே அந்த கிணற்றில் இருந்து தண்ணீர் மள மள என்று பொங்கி வழிந்தது. உடனே இமாம் அவர்கள் சந்தோஷத்துடன் அதில் வுழு செய்து தொழுதும் முடித்தார்கள். பின்பு அந்த சிறுமியிடம் ஆச்சரியத்தோடு, "மகளே! உன்னால் எப்படி இவ்வளவு பெரிய கராமத்தை செய்ய முடிந்தது?" என்று கேட்டார்கள். அதற்கு அந்த சிறுமி, " நான் என் கண்மணி நாயகம் (ஸல்லல்லாஹு அலைஹிவசல்லம்) அன்னவர்கள் மீது தினந்தோறும் இந்த ஸலவாத்தை ஓதி வருகிறேன். அந்த பரக்கத்தினால்தான் இந்த பாக்கியத்தை பெற்றுக்கொண்டேன்." என்று கூறினாள்.

அந்த நிமிடமே ஸலவாத்தின் மகத்துவத்தை பற்றி விளங்கிக்கொண்ட இமாம் ஜசூலி (ரஹ்மதுல்லாஹி அலைஹி) அவர்கள் " தலாயிலுல் கைராத்" என்ற ஸலவாத்து கிதாபை எழுதினார்கள். இந்த கிதாபை எழுதியதன் காரணமாக அவர்களின் கப்ரிலிருந்து கஸ்தூரி மணம் வீசிக்கொண்டு இருப்பதாக ஷைக் சரூக் (ரஹ்மதுல்லாஹி அலைஹி) அவர்கள் கூறுகிறார்கள். இந்த ஸலவாத்து கிதாபை வழக்கமாக ஓதியவர்கள் சிறந்த அவ்லியாக்கள் ஆனார்கள்.

இப்படிபட்ட சிறப்பை பெற்ற இந்த கிதாபு உருவாக காரணமாய் இருந்த அந்த சங்கையான ஸலவாத் இதுதான் :

அல்லாஹும்ம ஸல்லி அலா செய்யதினா வமவ்லானா முஹம்மதின் வஅலா ஆலி செய்யதினா முஹம்மதின் ஸலாதன் தாஹிமதன் மக்பூலதன் துஅத்தி பிஹா அன்னஹுல் ஹக்குல் அலீம்.

சலவாத் சொல்லவில்லை என்றால் ஏற்படும் பாதிப்புகள்:-

அண்ணல் நபி ஸலலல்லாஹூ அலைஹி வஸல்லம் அவர்கள் மிம்பரில் முதல் படியில் கால் வைத்து ஏறியவுடன் ஆமீன் எனக்கூறினார்கள். அடுத்து இரண்டாவது படியில் கால்வைத்து ஏறியவுடன் ஆமீன் எனக்கூறினார்கள். பின்னர் மூன்றாம் படியில் கால்வைத்து ஏறியவுடன் ஆமீன் எனக்கூறினார்கள். பிறகு தங்களின் நல்லுரையை முடித்துக்கொண்டு மிம்பரிலிருந்து கீழிறங்கினார்கள் அப்போது நாங்கள் யாரசூலல்லாஹ் இன்று நாங்கள் உங்களிடமிருந்து என்றும் செவியுறாததோர் விஷயத்தை செவியுற்றோம். என்றோம் அதற்கு அண்ணல் நபி ஸல்லல்லாஹூ அலைஹி வஸ்ஸலம் அவர்கள் நான் முதல் படி ஏறியபோது ஹழ்ரத் ஜிப்ரயீல் அலைஹி வஸ்ஸலம் என் முன்னே தோன்றி எவர் ரமழான் மாதத்தை அடைந்தும் தனது பாவங்களுக்கு அல்லாஹ்வின் மன்னிப்பை பெறவில்லையோ அவர்கள் நசமாகட்டும் என்றார்கள். அதற்கு நான் ஆமீன் கூறினேன். இரண்டாம் படியில் நான் ஏறியபோது தங்களின் பெயர் கூறப்பெற்று அதை செவியுற்றும் தங்களின் மீது சலவாத் கூறத மனிதன் நாசமாகட்டும் என்றார்கள். அதற்கு நான் ஆமீன் கூறினேன். நான் மூன்றாம் படியில் ஏறியபோது எவர் வயோதிகமுற்ற தனது பெற்றோர்களில் இருவரையும் அல்லது ஒருவரை பெற்றிந்தும் அவர்கள் அவனை சுணத்தில் நுழையவைக்கவில்லையோ அவன் நாசமாகட்டும் என்றார்கள் நான் ஆமீன் கூறினேன். என்று விபரம் கூறினார்கள். அறிவிப்பாளர் கஅஃப் இப்னு உஜ்ரா ரழி அவர்கள்.

நூல் : புகாரி

நாயகம் ஸல்லல்லாஹு அலைஹி வஸல்லம் அவர்கள் மட்டுமல்ல. அவர்கள் சம்பந்தப்பட்ட அனைத்தையும் அல்லாஹ் சிறப்பு படுத்திருக்கிறான். அவர்கள் மீது ஸலவாத் ஓதும் நாவுகளையும் சிறப்பு படுத்தத்தான்,  தானும், மலக்குகளும், நாயகத்தின் மீது சலவாத் செல்வதாகவும் நீங்களும் ஸலவாத் ஓதுங்கள் என்று கட்டளையிட்டுள்ளான் எனவே வாழ்வில் வசந்தம் வீச வசந்த காலத்தில் ஸலவாத் ஓத தொடங்குவோம்.! அண்ணலின் உயர்ந்த ஷபாஅத் பரிந்துரையை பெரும் பாக்கியத்தைப் பெறுவோம்.! உயர்வோம்.!! உன்னதம் அடைவோம்!!!